طالبان:هزارګان دې د فتنه ګرو په خوله د غزني جګړه تعصب نه بولي

(کابل ټکی کام ۱۳۹۷ لړم ۲۱)

طالبان وایي، د غزني په جاغوري او مالستان ولسوالیو کې پیل شوې جګړه یې د دولتی حاکمیت پر ضد پیل کړې او د هیڅ مذهبي او قومي تعصب موخه نه لري .
د طالبانو په اعلامیه کې یوځل بیا ټینګار شوی چې “د غزني په جاغوري او مالستان کې عملیات د کوم قوم یا مذهب په خلاف نه دي روان، په کابل کې ناست فتنه ګر جهتونه چې دغو عملیاتو ته د عامو خلکو په ضد د عملیاتو نوم ورکوي یا يې تر خاص قوم پورې تړي هغه د هیواد دښمنان دي“

طالبانو د دغو ولسوالیو پر ولسونو ژغ کړی چې عام هزاره وطنوال باید د دغو کسانو خبروته هيڅ اهمیت ورنکړي او خبر داری یې ورکړی چې خپل ځان باید په جنجالونو کې ښکیل نه کړي.

طالبان وایی د مالستان ولسوالۍ یې له شپږو پوستو سره یوځای نیولې او د ۱۱ کمانډویانو په ګډون یې ۴۲ تنه دولتي سرتیري وژلي دي.

ذبیح الله مجاهد د دوو طالبانو د وژل کیدو او ۳ نورو د ټپي کیدو پخلی هم کړی دی.
باید وویل شي چې له تیرې شپې را په دې خوا په پلازمینه کابل او بلخ کې د غزني د دوو هزاره میشتو ولسوالیو د ژغورلو په موخه اعتراضیه لاریونونه پیل شوي او هزاره میشتي غواړي څو حکومت یې غوښتنو ته توجه وکړي

ټېګونه

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close