طالبانو د خپلو عملیاتو په لومړۍ ورځ ۱۳۲ بریدونه کړي

راپورتاژ: فرید افغان

 

د طالبانو.د ویبپاڼې د راپورونو ترمخه طالبانو په ټول هیواد کې ۱۳۲ بریدونه کړي چې په دې لړ کې یې یو شمیر پوستې نیولې او ګڼو امینیتي ځواکونو ته یې د مرګ ژوبلې اړولو ادعا کړې.

طالب ویاند ذبیح الله مجاهد ویلي “د اسلامي امارت په مشرۍ روان جهادي عملیات به راتلونکی ۱۲ میاشتې د دښمن په مهمو هستو باندې په بریدونو، بیخ کنیو او د هغو په وړاندې له پيچلو تکتیکونو څخه په استفاده سره روان وي“

د تیرې ورځې پیښو ته زغلنده کتنه:

 

کابل:

طالبانو ویلي چې د کابل د سروبي ولسوالۍ په اوزبین، چهلګزي ،کړکین او شیرخاني سیمو کې په بیلابیلو بریدونو کې یې تر لسو ډیرو عسکرو ته مرګ ژوبله اړولې.
همداراز د کابل د نقاش کمپني سیمه کې یې پوسته نیولې د ضابط په ګډون یې درۍ عسکر وژلي او وسله یې له ځانه سره وړې.
ننګرهار:
طالبانو د جلال آباد په جندرماپل په اچین ولسوالۍ د بټي کوټ په شینوارو کلا سیمه کې په لعلپورې ولسوالۍ او دکوټ ولسوالۍ په زربچه سیمه تر ۲۵ زیاتو عسکرو ته د مرګ ژوبلې اړولو ادعا کړې.
بغلان:

طالبانو د مرکزي بغلان د پلخمري په تپه او ګڼو نورو سیمو کې له امنیتي ځواکونو سره مخامخ جګړې کړې چې یو شمیر امنیتي ځواکونه مړه او ټپیان دي.

غزني

طالبانو د دیک ولسوالۍ په تاسنګ او اړوند سیمه کې ۱۰ عسکرو ته د مرګ ژوبلې اړولو ادعا کړې همداراز یې ویلي چې د شلګر په جیلګه ، امین کلا او د دې ولسوالۍ بله اړوند سیمه کې ۱۵ امنیتي ځواکونو ته یې مرګ ژوبله اړولې.طالبانو په دې ولایت کې د نورو بریدونو ادعا هم کړې.
کندهار
طالبانو د دې ولایت په ۹ حوزه د استخباراتي کارمندحاجي ملا د وژلو د ادعا ترڅنګ په ګڼو نورو سیمو کې د بریدونو خبر ورکړی.

اروزګان
طالبانو د خاص اروزګان د ګرماب ، مرکز ترینکوټ او ګڼو نورو سیمو کې ۱۵ عسکرو ته د مرګ ژوبلې د اوښتو خبر ورکړی

زابل

طالب وسلوالو د زابل په شوره ولسوالۍ، میزانه ولسوالۍ، دایچوپان او مرکز قلات کې د۲۰ عسکرو د مرګ ژوبلې خبر ورکړی همداراز یې په دایچوپان کې د دریو پوستو د نیولو ادعا هم کړې.

فاریاب :
طالبانو د دې ولایت په شَیرین تګاب او یو شمیر نورو سیمو کې ګڼو عسکرو ته مرګ ژوبله اړولې

پکتیا
طالبانو په زرمت ولسوالۍ ، ډنډپټان او مرکز ګردیز کې امنیتي ځواکونو ته د مرګ ژوبلې اړولو ادعا کړې

فراه

طالبانو په پشتکوه او بالابلوک ولسوالیو کې امنیتي ځواکونو ته د مرګ ژوبلې اړولو ادعا کړې.

خوست

طالبانو په صبریو کې یو استخبارانی مامور نیولی او په خلبسات او نورو سیمو کې یې بریدونه کړي

کاپیسا:

د طالبانو له خوا په اله سای نجراب او نورو ولسوالیو کې پر امنیتي ځواکونو مرګوني بریدونه شوي.

بدخشان:

په ارغستان کې طالبانو یو شمیر دولتي ځواکونو ته مرګ ژوبله اړولې.
میدان وردګ:
په جلریز او او نورو ولسوالیو کې وسلوالو طالبانو ګڼو عسکرو ته مرګ ژوبله اړولې.

بادغیس:

طالبانو په سنګ اتش کې دوه پوستې نیولې ‏همداراز ددې ولایت د قادس ولسوابۍ کې کي دوو لویو کليو ‘بویې اوشش منیانو‘ له طالبانو ملاتړ وکړ او ۲۳ میله وسله یې هم هغوی ته وسپارله .

تر دې ور اخوا طالبانو تیره ورځ د هیواد په کچه لسګونه نور بریدونه هم کړي چې په راپور کې ورته ځای نه دی ورکړل شوی

ټېګونه

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close