طالبانو د غزني مرکزي زندان مات کړی ۴۰۰ زندانیان يي آزاد کړي دي

کابل ټکی کام ۲۳وږی۱۳۹۴

راپور: فیصل روښان

تېره شپه طالبانو د غزني ولایت په مرکزي زندان پراخ عملیات ترسره کړي چې په پایله کې يي خپل ۴۰۰ ملګري له بند څخه  خلاص کړي دي.

د طالبانو ویاند ذبیح الله مجاهد رسنيو ته په یوه استول شوي پیغام کې ويلي چې د خپلو اسیرو زندانیانو د ازادولو لپاره يې تېره شپه د غزني ولایت په مرکزي زندان باندې له هر لوري بريدونه کړي دي، چې ۱۰ تنه سرښندونکو او په لسګونو  تنو نورو طالبانو او د دوی نظامي کنډک  پکې برخه اخیستې وه.

د طالبانو په وینا دغه بریالي عملیات د تېرې شپې په ۲ بجو پیل شول چې څوساعته يي دوام وکړ، بشپړ زندان د دوی لاسته  ورغی او په زندان کې ټول ساتونکي او پولیس ووژل شول.

دغه راز طالبانو ویاند ښاغلي مجاهد زیاته کړې چې په زندان کې  د دوی خپل ۴۰۰ ملګري په کامل ډول ازاد شول او خوندي ځايونو ته ورسيدل.

د یادونې وړ ده چې په دغو عملیاتو کې د طالبانو یواځې ۳ تنه سرښندونکي وژل شوي او نور ټول مرستندویه ملګري يي روغ رمټ بېرته خپلو مرکزونو ته ستانه شوي دي.

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close