طالبان: د غزني په جاغوري کې یواځې د دولت پلوه کسانو لټه کوي

(کابل ټکی کام ۱۳۹۷ لړم ۱۶)

طالبانو د غزني ولایت د جاغوري ولسوالۍ پر میشتو شیعه ولسونو ژغ کړی چې په دې ولسوالۍ کې یې پیل شوي عملیات هیڅ قومي بڼه نه لري، او د دغې ولسوالۍ خلک دې له کومې ویرې پرته خپلې عادي چارې مخته وړي.
طالب ویاند ذبیح الله مجاهد ویلي،نه یواځې په جاغوري بلکې د هیواد په ټولو هغو سیمو کې د عملیاتو پلان لري چې د حکومت تر بشپړ واک لاندې وي، او له خلکو یې غوښتي چې په دې برخه کې د حکومتي چارواکو او رسنیو پروپاګند او تبلیغاتو ته هیڅ توجه ونه کړي.
طالبانو دغه راز له خلکو غوښتي چې د عملیاتو پر مهال دې په خپلو کورونو کې و اوسي او کله چې وضعیت نورمال شو،دوی به د عادي چارو د پیل اجازه ورکړي.
باید وویل شي چې طالبانو نن د دغې ولسوالۍ پراخې سیمې تر خپل کنترول لاندې راوستې او له خلکو یې وغوښتل چې د متقابل غبرګون پرځای باید د خبرو له لارې ورسره ستونزه حل کړي.
د ورځې په پای کې له مهماتو بار دوه چورلکې دغې ولسوالۍ ته ورسیدې او د بمباریو سربیره یې کمانډویان هم د ځمکنۍ جګړې لپاره ورسول.
تازه معلومات دادي چې دولت پلوه ځواکونو پرمختګ نه دی کړی او لا هم جګړه روانه ده

ټېګونه

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close