طالبان وايي، د زابل اتغر ولسوالۍ يې نيولې

(کابل ټکی کام، ۱۳۹۷، زمری ۱)

خبري سرچينې وايي، طالبانو تېره شپه د زابل ولايت په اتغر ولسوالۍ ډله ييز بريدونه کړي او د ولسوالۍ د ودانۍ په ګډون يې امنيتي مرکزونه او پوستې نيولي دي.

د زابل سيمه ييزې امنتي سرچينو د نوم نه ښودلو په شرط د اتغر ولسوالۍ سقوط تاييدوي وايي د طالبانو په بريدونو کې لسګونه پوليسو ته مرګ ژوبله اوښتې او د ولسوالۍ ودانۍ او ځينې پوځي مرکزونه د طالبانو لاسته لوېدلي دي.

د طالبانو وياند قاري یوسف احمدي هم مني چې د اتغر ولسوالۍ د ودانۍ په ګډون، يوه قرارګاه او کمپاين هم طالبانو نيولي دي زياتوي په دې نښتو کې درويشت عسکر وژل شوي چې جسدونه يې لا هم د جګړې په ډګر پاتې دي او ديارلس عسکر نور ټپيان دي.

د احمدي په وينا، د ولسوالۍ او پوځي مرکزونو د نيولو په پايله کې په زياته اندازه وسلې، مهمات او د دولتي ځواکونو رينجر او ټانګونه هم طالبانو نيولي دي.

سيمې ته نږدې اوسېدونکي وايي، دا مهال د يادې ولسوالۍ د ملي امنیت پر رياست د طالبانو له لوري سخته جګړه روانه ده.

تر اوسه په دې اړه ولايتي چارواکو څه نه دي ويلي.

ټېګونه

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close