طالبان وايي، پلخمري کې یې د افغان عسکرو برید په شا تمبولی، او ۵ عسکر یې وژلي

کابل ټکی کام ۰۱کب/۱۳۹۴، احمدالله مهاجر
طالبانو پخپله رسمي خبر پاڼه کې ادعاء کړې ده، چې تېره شپه شاوخوا ۱۰ بجې یې د بغلان ولایت د پلخمري ولسوالۍ اړوند په ګوهرګن نومي سیمه کې د افغان ځواکونو برید یې په شا تمبولی، او ۹ عسکرو ته یې مرګ ژوبله اړولې ده.
خبر پاڼې کښلي دي چې:
«درارسیدلو خبرونو له مخي تیره شپه شاوخوا ۱۰ بجې د بغلان ولایت پلخمري ولسوالۍاړوند د ګوهرګن په سیمه کې د مزدوردښمن سپیشل فورس او نورو ګڼ شمیر عسکرو د مجاهدینو په هدفونو تعرضي بریدوکړ.»
خبر پاڼې لیکلي دي، چې د جګړې په پایله کې یې ۵ تنه عسکر وژلي، او ۴ تنه نور یې سخت ټپیان کړي دي، او پاتې نور د تلفاتو په لیدلو سره په شا شوي دي.
خبر پاڼې د شپې د دوربین او د یوه ماین پال تر څنګ د ګڼو نورو وسلو او مهماتو د نیولو خبر هم ور کړی دی.
خبر پاڼې زیاته کړې ده چې په جګړه کې یې جنګیالیو ته هېڅ نوعه زیان نه دی اوښتی.

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close