طالب جان / عُقابي جانان

طالب جان /عُقابي جانان

 

طالب جان يم طالبۍ باندې مشهور يم

په سوچه مسلمانۍ باندې مشهور يم

 

د جهاد له برکته نوميالی شوم

اوس په درستې دنياګۍ باندې مشهور يم

 

اسلامي، شرعي نظام پر جهان غواړم

په پابندې زندګۍ باندې مشهور يم

 

د ژوندي  او د حساس ضمير خاوند يم

په خپلواکې آزادۍ باندې مشهور يم

 

سر تر پښو ټول په سنتو برابر يم

په ښائسته تورې پګړۍ باندې مشهور يم

 

مست زلمی يم د ځوانۍ هيلې مې ګل دي

په ګلاب ګلاب ځوانۍ باندې مشهور يم

 

نه خيرات غواړم، نه سوال کوم، نه طمع

ملنګۍ کې پاچاهۍ باندې مشهور يم

 

“عُقابي جانان” طالب د مدرسې يم

د يوچا انډيوالۍ باندې مشهور يم

 

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close