طالب جنګیالیو د بغلان په بورکا ولسوالۍ کې د افغان عسکر ۱۶ جنګیالیو ته مرګ ژوبله اړولې ده

کابل ټکی کام ۲۴میزان/۱۳۹۴
احمدالله مهاجر
د طالبانو ویاند ښاغلی ذبیح الله مجاهد زمونږ همکار ته ویلي دي چې پرون ناوخته د بغلان ولایت د بورکا ولسوالۍ په شهرنو نومې سیمه کې طالب جنګیالیو د امنیتي ځواکونو کاروان تر برید لاندې راووست، چې له امله یې ۲ ټانګونه او ۷ تنه افغان عسکر له منځه یوړل شول، او ۹ تنه نور ټپيان شول.
مجاهد همدا راز زمونږ همکار ته ویلي دي چې بېګا ماسخوتن لس بجې طالب جنګیالیو د روزګان ولایت د چهار چینو ولسوالۍ اړوند د ریګکي په سیمه کې د افغان عسکرو پر امنیتي پوستو وسلوال بریدونه ترسره کړل.
چې د برید په پایله کې یې د افغان عسکرو ۲ پوستې نیولي او افغان عسکر د تلفاتو په لیدلو سره یې تېښتې ته اړ کړي دي.
او له افغان عسکرو څخه پاتې یو رینجرموټر، یو موټرسایکل، د کلاشینکوف ۱۰۰۰۰مرمۍ او نور مهمات لاسته ورغلي دي.
خو تر اوسه په دې اړه دولتي سرچینو څه ندي ویلي.

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close