عارف علوي د پاکستان نوی ولسمشر وټاکل شو

(کابل ټکی کام، ۱۳۹۷، وږی ۱۳)

د پاکستان د تحريک انصاف ګوند کانديد ډاکټر عارف علوي د رايو په اکثريت سره د پاکستان نوی ولسمشر وټاکل شو.

د پاکستان د اپوزيسيون له خوا مولانا فضل الرحمن، د خلکو ګوند له خوا اعتزاز حسن او د انصاف ګوند له خوا عارف علوي کانديدان و.

ملي اسمبلۍ ، د مشرانوجرګې او د څلورو ايالتي اسمبليو غړيو په دې ټاکنو کې برخه اخيستې وه.

په دغه انتخاباتو کې چې د ولسمشرۍ لپاره ترسره شول عارف علوي ۲۱۲، مولانا فضل الرحمن ۱۳۱ او د خلکو ګوند کانديد اعتزاز حسن ۸۱ رايې ترلاسه کړې.

تر دې مخکې حکومت کې ممنون حسين د پاکستان ولسمشر و خو د عارف علوي په ګټلو سره دا د یاد هېواد ديارلسم ولسمشر شو.

په لومړی ځل دولس کسانو د ولسمشرۍ مقام لپاره خپل اسناد د پاکستان ټاکنو کمېسیون ته وړاندې کړی وو، خو وروسته د اتو کسانو اسناد تایید نه شول او یو کس امیر مقام له کاندید کېدو لاس پر سر شو.

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close