عمر ځواک: د ولسي جرګې غړی جبار قهرمان مرګونی ټپي دی

(کابل ټکی کام، ۱۳۹۷، تله ۲۵)

د هلمند د جګړې پخوانی قومندان او د ولسي جرګې غړی عبدالجبار قهرمان په يوه چاودنه کې وژل شوی خو چارواکي يې د مرګ خبر نه تاييدوي.

له هلمند څخه راپورونه وايي، نن سهار شاوخوا لس بجې د دغه ولايت په مرکز کې د عبدالجبار قهرمان په انتخاباتي دفتر کې چاودنه شوې چې د هغه په شمول څو تنه نور هم وژل شوي دي.

ځينو سرچينو ويلي، چې دغه چاودنه د سرتيري بريد کوونکي له لوري هغه مهال شوې کله چې جبار قهرمان خپل کاري دفتر ته راورسېد.

د هلمند د والي وياند عمر ځواک وايي، چاودنه کې قهرمان مرګونی ټپي شوی زياتوي ( اووه تنه ټپيان شوي چې د جبار قهرمان روغتيايي وضعيت ښه نه دی.)

خو ناتاييد شوي راپورونه ښيي چې جبار قهرمان په دغه بريد کې وژل شوی دی.

د هلمند د وپوليسو سرچينې وايي، قهرمان ته د هغه د چوکۍ لاندې چادېدونکي توکي ځای پر ځای شوي و چې نوموړي پکې ژوند له لاسه روکړی دی.

عبدالجبار قهرمان د راتلونکې ولسي جرګې لپاره يو ځل بيا له هلمند ولايت څخه ځان کانديد کړی و.

تر اوسه د بريد مسولیت چا په غاړه نه دی اخيستی.

عبدالجبار قهرمان په ولسي جرګه کې د تيرې دورې د هلمند څخه استازی ټاکل شوی و او د ۲۰۱۶م کال په لومړيو کې يې په هلمند کې له طالبانو سره د جګړې مشري په غاړه لرله.

ويل کېږي، نوموړي په دغه ولايت کې د سنګوريانو په نوم ځانګړې ډله هم جوړه کړې وه چې مشري يې هم خپله جبار قهرمان کوله.

ټېګونه

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close