غزل/ خالقیار احمد زی

خالقیار احمدزی

یو څه وکړه خبرې بیا یو څه وکړه اواز­

جادوګرې پرګنې د کوه قاف پوه شوې په راز­

د مئینو اسویلي دي، د بلقیس زړګی تور شوی­

سلیمان دی خبر شوی، دنیا ټوله ده په ناز­

د باقر نه ورته پاتې علمیت د ارسطو دی ­

فارابي ته غوصه شوی منطقي طالب شهباز­

نه په اور کې سوځل شوی، نه یې سختې دي لید­لې

بس د سټیج په سر لاسونه ښوروي لکه خباز­

نه لیکلی یې داستان دی،نه قلم یې د چا پریښی

په ټولي کې دشاهانو ننوتی دی چلباز­

اوس به خود د تسلیت او تعزیت پیغام ورلیږي­

داعشيان پر اسرایلو غصه شوي لکه پیاز­

موږ کړو له تغزله، د غزل کرښې راتاندې ­

خالقیاره قلمونه جوړوو ورته ممتاز­