غزني:طالبان وایي د ملکي تلفاتو د مخنیوي په موخه یې د ښار منځ محدوده ساحه تخلیه کړې

دوی د دې کار څوعلتونه ښودلي چې په وینا یې ، له یوې خوا امریکايي الوتکو په بې رحمۍ او بې هدفه ډول سره د ښار دننه ولسي کورونه، مارکیټونه او تأسیسات بمبارول، همدا ډول داخلي عسکرو هم عام کورونه د هاوانونو هدف ګرځول، چې ولسي زیان شیبه په شیبه زیاتیده، له بلې خوا د ښار په منځ کې د نظامي کمربند فعال ساتل د بازار او دوکانونو د بندیدو سبب شوي وو چې د ښار عام اوسیدونکي يې د غذايي موادو له سخت کمښت سره مخ کړل.

 

(کابل ټکی کام ۱۳۹۷ زمری ۲۳)

طالبانو په غزني کې د پنځمې ورځې د جګړو راپور نشر کړی او هغه راپورونه یې پروپاګند بللي چې ګواکې ګډو ځواکونو یې افراد په زور له ښاره ایستلي .
طالبان وایي، نن سهار یې پر هغو ادارو د محاصرې کړۍ ختمه کړې چې په تیرو څلورو ورځو کې يې تر محاصرې لاندې ساتلې وې، لکه ولایت، حرم سرای، استخبارات، نوی هوايي ډګراو ځينې نورې مرکزي ښارې سیمې.
دوی د دې کار څوعلتونه ښودلي چې په وینا یې ، له یوې خوا امریکايي الوتکو په بې رحمۍ او بې هدفه ډول سره د ښار دننه ولسي کورونه، مارکیټونه او تأسیسات بمبارول، همدا ډول داخلي عسکرو هم عام کورونه د هاوانونو هدف ګرځول، چې ولسي زیان شیبه په شیبه زیاتیده، له بلې خوا د ښار په منځ کې د نظامي کمربند فعال ساتل د بازار او دوکانونو د بندیدو سبب شوي وو چې د ښار عام اوسیدونکي يې د غذايي موادو له سخت کمښت سره مخ کړل.
دغه راز طالبانو ویلي چې یادې سیمې یې ځکه پریښې چې د ښار په کوڅو او سړکونو، حوزو او ځينو نورو نظامي ځایونو کې د امنیتي ځواکونو د مړو جسدونه تر دریو ورځو پورې پراته وو چې سخت خراب شوي وو او د همدې لاملونو له امله یې د ښار ځینې برخې پریښې.
دوی وایي چې د ښار له منځ څخه یې خپل نظامي کمربند را ایستلی او د ښار ګرد چاپيره یې د محاصرې حلقه او کمربند اچولی او ساتنه يې کوي.
خبرپاڼه زیاتوي

( مجاهدین له ښار څخه په زور نه دي ایستل شوي او اوس هم په آهنګران، حکیم ثنايي صاحب سیمه، موی مبارک سیمه، سنجتک، قلای شاده، قلای نو، توحید آباد، حیدر آباد، نو آباد، قلای جوز، سپنده، نوغی، پيرشاباز بابا، قلای میر، ده خدایداد، پشتون آباد او قلعه قاضي  سیمو کې مجاهدین کلک سنګرونه لري، چې ټولې د ښار اړوند سیمې دي چې اکثره برخې يې د ولایت او قومندانۍ سره فقط پنځه سوه میتره تر یو کیلومتره پورې فاصله لري)

طالبانو د غزني نیول حکومت او نړیوالو ته لوی پیغور بللی او زیاته کړې یې ده چې

“ د غزني نیول په امریکايي خدمت کې بوختو د کابل ادارې امنیتي ځواکونو ته دا په ډاګه کوي چې که دوی په خپله تګلاره له سره غور ونه کړي، د ځان د ژغورلو په فکر کې نشي، بلکې لاهم په امریکايي معاشونو د هغوی د ستراتیژیو د پرمخ وړلو او په کابل کې ناستو څو مفسدو عیاشو څيرو د په قدرت کې ساتلو لپاره له خپل ژوند سره لوبوته دوام ورکړي، انجام به يې دغه ډول وي چې د غزني په پنځو ورځنیو عملیاتو کې د دښمن په خپل اعتراف له شپږ سوو ډيرعسکر، پولیس او اربکیان يې په مرکز او شاخوا ولسوالیو کې تلف شوي دي“

طالبانو پر امریکایانو ژغ کړی چې د دوی حضور په هيڅ وجه هم د ګډحکومت په نوم اداره پر افغانانو نشي تپلی او نه يې هم له دغه ډول برخلیک څخه ژرغولی شي.

خبرپاڼه کې ادعا شوې چې په تیرو پنځو ورځو کې د یاد ولایت په شلګر، قرباغ، مقر، دهیک، جغتو، خواجه عمري، اجرستان، زنخان او د غزني مرکز په مربوطاتو کې تر ۲۰۰ ډیرې پوستې نیول شوې، تر سلو ډیر ټانګونه او رینجرو په ګډون زرګونه میله سپکه او وسله یې تر لاسه او دغه راز یې پراخې سیمې تر خپل کنترول لاندې راوستلې.

ذبیح الله مجاهد ویلي، د غزني د عملیاتو په جریان کې د کابل غزني، پکتیا غزني او کندهار غزني د لویو لارو بندو ساتلو او د ګډوځواکونو د قوتونه په کمین کې راګیرکولو دا خبره جوته کړه چې طالبان په خپل کم تعدا ولی لوړ او متین عزم سره کولای شي څلور قول اردوګانې ( د کابل مرکزي قول اردو، د کمانډو ځواکونو نوی جوړه شوی قول اردو، د پکتیا تندر قول اردو او د کندهار اتل قول اردو) په یووخت فلج کړي او د تحرکاتو مخه يې ونیسي.

په عین حال کې طالبانو او حکومت دواړو رسنۍ په پروپاګند تورنې کړې، لوی درستیز ویلي ،

“یو شمیر رسنۍ د افغان ځواکونو د تلفاتو شمیر لوړ ښیي په داسې حال کې چې دا له دښمن سره مرسته ده “

خو طالبانو ویلي چې رسنیو ته یې وخت په وخت تازه مالومات رسولي خو د دوی خبرونو ته اعتنا نه کوي او یواځې هغه پروپاګند نشروي چې حکومتي ویاندویان یې ورکوي او په خبره یې

“ په داسې حال کې چې عیني شاهدانو، د شورا وکیلانو او عامو خلکو هم د طالبانو د ویاند خبره تاییدوله چې د ښار اکثره برخه د مجاهدینو تر ولکې لاندې ده“

خو طلوع نیوز په یوه مستند راپور کې د حکومتي ویاندویانو له دروغو پرده پورته کړې، چې په وینا یې حکومتي ویاندویانو د غزني په برید کې له لومړۍ ورځې تر اوسه رسنیو ته کره مالومات په لاس نه دي ورکړي

“حکومتي ویاندویانو د جګړې له پیله د غزني په تړاو ۲۳ ټویټونه خو طالب ویاند ذبیح الله مجاهد تر سلو ډیر په پښتو دری او انګلیسي ژبو ټویټونه کړي چې دا کړنه د طالبانو رسنیز قوت څرګندوي“

د غزني ښار د پنځمې ورځې راپور
ټېګونه

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close