غزني: طالبانو د“رشیدانو“ولسوالۍ نقلي قومانداني نیولې

 

(کابل ټکی کام ۱۳۹۷ زمری ۱۶
له غزني څخه ورکړل شوي راپورونه وایي، چې طالبانو د دې ولایت د رشیدانو ولسوالۍ امنیې قوماندانۍ نیولې.
طالبان وایي، د رشیدانو امنیه قوماندانۍ د غزني د جغتو ولسوالۍ د قیاغ درې ته لیږدول شوې وه، چې تیره شپه له ۵ پوستو سره یوځای ونیول شوه
طالبانو ویلي چې په دې بریدونو کې یې ۲۵ عسکر وژلي او ۱۶ نور ټپیان دي.

ځایي خلک وایي، سیمې ته د مرستندویه ځواکونو لوی کاروان رسیدلی او له طالبانو سره یې جګړه پیل کړې، څو د یادې قوماندانۍ پر مرکز بیرته واک تر لاسه کړي.
طالبانو هم د قوې ورتګ تائید کړی او زیاتوي چې پر یادو کومکي ځواکونو یې هم بریدونه کړي او ۵ عسکر یې ترې وژلي .
ذبیح الله مجاهد ادعا کړې چې په یاده جګړه کې یې ۳ ټانګونه له منځه وړي او ۲۵ میله وسله یې نیولې.
خو د غزني ځایي امنیتي چارواکو تر دې مهاله په دې تړاو کوم سپیناوی نه دی کړی.

ټېګونه

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close