غلیمګیه

شاعر : جبیر احمد مشهود

سوله کوو خو قربانۍ نه پلورو
میز ته درځو سپینه پګړۍ نه پلورو

ها چي ځانونه یې فدا کړل په دین
هغه د ګل غوندي ځوانۍ نه پلورو

قدرت پرست ډالر پرسته نه یو
د یتیم ستوني کي سلګۍ نه پلورو

د مادیاتو په بدل کي واوره
غلیمه ویاړ د خپلواکۍ نه پلورو

چي تاریخونه یې ځلاند ساتلي
غازي میوند او ملالۍ نه پلورو

هغه د لاري پر سر جوړ قبرونه
ها مزارونه او جنډۍ نه پلورو

موږ د ثالث عمر ارمان ته رسو
ها د منصور غوندي هستۍ نه پلورو

مشهوده دوي ته چا ویلي کنه
موږ مو سپین لمر د ازادۍ نه پلورو

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close