غور کې ۴۵ اربکيان طالبانو سره يوځای شوي، يو ستر کلی يې نيولی

(کابل ټکی کام، ۱۳۹۷، وږی ۱۲)

د راپورونو له مخې ، د غور ولايت په تولک ولسوالۍ کې د دولت پلوه خلکو يو ستر کلی چې له ډيرې مودې راهيسې کلابند و د طالبانو لاسته لوېدلی دی.

ځايي سرچينې وايي، ياده سيمه دولت ته ډيره مهمه او سترايژکه وه چې د رايه ورکولو درې مرکزونه يې هم لرل.

ويل کېږي، دغه مهمه سيمه چې د “گاوکُش” په نوم ياديږي د ولسوالۍ جنوب ته پرته ده چې تيره شپه طالبانو نيولې او دا مهال هلته حکومت هيڅ حاکمیت نه لري.

د والي وياند عبدالحی خطيبي هم د طالبانو له لوري د يادې سيمې نيول تاييد کړي زياتوي چې د دغه سيمې د نيولو پر مهال هيڅ ډول نښته نه ده شوې.

په عين حال کې د غور د ساغر ولسوالۍ امنيه قومندان بسم الله صديقي وايي، تيره شپه طالبانو په یاده ولسوالۍ بريد کړی دی خو د مرګ ژوبلې اوښتو په اړه يې څه نه دي ويلي.

له بله پلوه طالبان وايي، د غور ولايت په دولتیار ولسوالۍ کې ورسره پنځه څلوېښت اربکيان له وسلو سره يوځای شوي دي.

طالب وياند قاري يوسف احمدي په خپله ټويټر پاڼه ليکي: “د يادې ولسوالۍ د پشتنور او دوستمک سيمه کې ۴۵ اربکيان سره له ۱۸ ميله وسلو د اسلامي امارت له مجاهدينو سره يوځای شول”.

د قاري یوسف په وينا، وړمه ورځ هم په ياده سيمه کې نهه تنه اربکيان له خپلو وسلو سره او نهه موټرسيکلو سره طالبانو ژوندي نيولي و.

ټېګونه

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close