فاریاب: ځانګړو ځواکونو د قیصاري پر کور چاپه وهلې

(کابل ټکی کام ۱۳۹۷ چنګاښ ۱۵)

د فاریاب ولایتي شورا وایي؛ چې نن د شپې ناوخته د کمانډو ځواکونو هوایي ډګر ته څیرمه د جنبش ګوند د نیول شوي قوماندان جنرال نظام الدین قیصاري پر کور چاپه وهلې.

د ولایتي شورا رئیس عطا محمد فیضي وایي؛ د کومانډویانو په برید کې د قیصاري دوه پلویان وژل شوي او ۳ نور ټپیان دي.
ولایتي شورا وایی، د دواړو لوریو ترمنځ څو ساعته جګړه روانه وه چې بالاخره کمانډویان وتوانیدل چې د قیصاري کور ونیسي.
بلخوا ټاکل شوې چې نن په فاریاب سربیره په تخار، بدخشان او جوزحان ولایتونو کې هم د قیصاري په ملاتړ مظاهرې وشي.
قیصاري چې د جنبش ګوند وتلی قوماندان دی، څو ورځې وړاندې ځانګړو ځواکونو ونیوه او کابل ته یې انتقال کړ.
د دفاع وزارت ویاند محمد رادمنش وایی، قیصاري لويې څارنوالۍ ته ور پیژندل شوی او تحقیقات ترې روان دي

ټېګونه

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close