فراه: د دوو قومندانانو په ګډون اوولس عسکر طالبانو سره يوځای شوي

(کابل ټکی کام، ۱۳۹۷، تله ۹)

د راپورونو له مخې، د فراه ولايت په فراه رود ولسوالۍ کې د دوو قومندانانو په ګډون اوولس عسکر طالبانو سره يوځای شوي دي.

د يادې ولسوالۍ په وريې سيمه کې دوهم څارن قومندان محمد ایوب له اتو عسکرو سره طالبانو ته اوښتی، دغه راز په خورما سيمه کې قومندان میرزا له نهه کسانو سره د طالبانو ليکو ته ورغلی دی.

طالبانو هم د يادو کسانو يوځای کېدل منلي وياند يې قاري يوسف احمدي ويلي دغه کسان د حقايقو په درک کولو سره د (اسلامي امارت د جلب او جذب) مسولينو په هڅو له حکومتي ليکو رابيل او طالبانو سره يوځای شول.

طالبان د حکومتي عسکرو، کارمندانو او پوځي کسانو لپاره د جلب و جذب په نوم ځانګړی کمېسيون لري چې وخت ناوخت دولتي منسوبين دې ته هڅوي څو د دولت پوځي ليکو کې دندې پرېږدي.

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close