فراه: د طالبانو په بريد کې يو قومندان او ۱۲ پوليس وژل شوي

(کابل ټکی کام ۱۳۹۵مرغومی ۱۱) الماس خدرخېل

د فراه ولايت امنيتي چارواکي وايي، چې د دغه ولايت مرکز اړوند شپږ کيلو متره نږدې سيمه کې په يوه پوسته د وسلوالو طالبانو له لوري بريد ترسره شو، چې افغان ځواکونو ته يې مرګ ژوبله واړوله.

بل پلو د وسلوالو طالبانو له لوري په يوه را استول شوې خبرپاڼه کې ويل شوي، چې د دوی ملګرو وړمه شپه په ياده سيمه کې د پوليسو پر پوستو د سپکو او درنو اسلحو بريدونه کړي.

په خبرپاڼه کې راغلي، ټوله جګړه چې دوه ساعتونه يې دوام درلود په پايله کې د قومندان عبدالله په شمول ۱۲ تنه پوليس وژلي چې د وژل شويو جسدونه لا هم د جګړې په سيمه کې پراته دي.

طالبانو ويلي، چې په پوسته کې ګڼ شمير اسلحې او نظامي توکي هم نيولي دي.

پېښه د فراه امنيه قومندان توريالی عابداني تائيدوي او وايي چې په دې بريد کې پنځه تنه پوليس وژل شوي دي.

د تاند ويب پاڼې د راپور له مخې په پېښه کې ۹ تنه پوليس او دوه تنه ملکيان وژل شوي، خو د ملکيانو د وژلو په تړاو نورو رسنيو او خپله طالبانو څه نه دي ويلي.

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close