لغمان: درې سوه پنځوس کسانو ته د خيرات خوړو کې زهر ورکول شوي

(کابل ټکی کام، ۱۳۹۷، زمری ۱۸)

د لغمان ولايتي چارواکي وايي، په دولت شاه ولسوالۍ کې شاوخوا درې سوه پنځوس کسانو ته د خيرات په خوړو کې زهر وکول شوي دي.

پېښه تېره شپه د يادې ولسوالۍ مربوط د ماسموتي کلي رامنځته شوې او ويل کېږي چې د زهرو له کبله په مسموم شويو کسانو کې مېرمنې، ماشومان او سپينګيري نارينه هم شامل دي.

د لغمان د والي وياند عمر ځواک وايي، ټول ۳۵۰ کسان پر وخت د دولت شاه ولسوالۍ کلينيک ته رسول شوي او تر اوسه د مړينې کومه پېښه نه ده رامنځته شوې.

ځايي اوسېدونکي وايي، د پېښې د رامنځته کېدو پر مهال حالت ډېر اندېښمن و زياتوي له قول اردو مو د ناروغانو د انتقالولو لپاره مرسته وغوښته خو هغوی هيڅ مرسته ونه کړه، چې وروسته د نورو کليوالو په همکارۍ ټول ناروغان پر وخت کليکنيک ته ولېږدول شول.

تر اوسه معلومه نه ده چې دا پېښه د څه له امله رامنځته شوې خو مسوولین وايي له مرکزه د عامې روغتيا رياست يوه تحقيقاتي ډله سيمې ته پر لاره ده تر څو د پېښې علت معلوم کړي.

دا لومړی ځل دی چې په يوه خيرات کې په دومره ډير شمېر کسانو ته زهر ورکول کېږي او مسموم کېږي.

ټېګونه

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close