لغمان: دولت شاه کې په ښځو د ډرون الوتکې بريد شوی دی

(کابل ټکی کام، ۱۳۹۷، لړم ۲۹)

د لغمان ولايت په دولت شاه ولسوالۍ کې د بهرنيو ځواکونو له لوري د ښځو پر يوه قطار د ډرون الوتکې بريد شوی دی.

ځايي خبري سرچينې وايي، پېښه پرون ماښام د يادې ولسوالۍ مربوط په “بومي” نومې سيمه کې هغه مهال رامنځته شوې کله چې يوه ډله ښځو غوښتل له يوه کلي بل کلي ته ولاړې شي.

د کلي اوسېدونکي وايي، د ډرون په دغه بريد کې درې ميرمنې وژل شوي دي.

تر اوسه په دې اړه د لغمان ولايتي چارواکو او په افغانستان کې ميشت بهرنيو ځواکونو څه نه دي ويلي.

خو تر دې مخکې هم د بهرنيو ځواکونو له لوري په ډرون بريدنو کې په ليرې پرتو سيمو کې شپانه او بزګران په نښه شوي دي.

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close