لغمان: پر میرمنو د بې پیلوټه الوتکې برید شوی

(کابل ټکی کام ۱۳۹۷ لړم ۳۰)

له لغمان ولایت څخه ورکړل شوي راپورونه وایي چې د دغه ولایت په دولت شاه ولسوالۍ کې پر پیاده روانو میرمنو د بې پیلوټه الوتکې له خوا بمونه غورځول شوی دي.

خبر زیاتوي؛ پیښه د دغې ولسوالۍ په “بومبۍ“ سیمه کې رامنځته شوې او د عیني شاهدانو په وینا چې له یادو میرمنو سره هیڅ نارینه نه وو او نه دلته ترې له مخه د جګړې کومه پېښه شوې

په پیښه کې درۍ واړه میرمنې شهیدانې شوې دي.
دا په داسې حال کې ده چې په همهاله توګه د لوګر په محمدآغه کې د ګډوځواکونو په عملیاتو کې ۱۵ ولسي کسان وژل شوي او په ننګرهار او غزني کې هم ګڼو ملکیانو ته تلفات اوښتي دي.

ټېګونه

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close