ما ته تر بري د ستنېدو خبرې مه کوئ

امان الله نصرت

ما ته د سنګر د پرېښودو خبرې مه کوئ

مرګ نه بې پروا یم د چړو خبرې مه کوئ

 

زه د حق په مینه قربانۍ ته راوتلی یم

خوښ یم که سوځېږم د لمبو خبرې مه کوئ

 

څرک د سباوون یم د تور تم پر زړه یرغل کوم

ځم د نور پر لار د تورو شپو خبرې مه کوئ

 

زه به تر قیامت پورې جهاد کوم دښمن سره

ما ته د سازش او دسیسو خبرې مه کوئ

 

زه خپل سرنوشت ټاکم د جنګ په سنګرونو کې

ما ته د رقیب د فیصلو خبرې مه کوئ

 

خیر دی که غوڅېږي زه پرې ویاړمه غوڅېږي دې

ما ته مې د سر د ټيټېدو خبرې مه کوئ

 

زه توره په لاس د استعمار پر ضد وتلی یم

ما ته تر بري د ستنېدو خبرې مه کوئ

 

څو چې مې وطن کې اسلامي نظام حاکم نه شي

ما ته د وسلې د کېښودو خبرې مه کوئ

 

را به شي سپرلی د آزادۍ غوټۍ به وخاندي

تېر به شي خزان د رژېدو خبرې مه کوئ

 

نن وي که سبا ”نصرت“ وايي سباوون به شي

نورې د ماتم او د تیارو خبرې مه کوئ

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close