ملګري ملتونه: د روان کال په لومړۍ اونۍ کې ۹۴۰۰ افغان کډوال خپل هېواد ته ستانه شوي

(کابل ټکی کام ۱۳۹۵مرغومی ۲۳) الماس خدرخېل

د ملګرو ملتونو اداره وايي، چې د روان کال په لومړۍ اونۍ کې ۹۴۰۰ بې اسنادو افغان کډوال خپل هېواد ته ستانه شوي دي.

د ملګرو ملتونو د کډوالو ادارې ويلي، چې دغه کډوالو له ايران او پاکستان څخه راستنانه شوي، خو دوی اندېښنه کوي چې افغان حکومت به د دغو کډوال وضعيت ته څه ډول رسيدګي وکړي.

په افغانستان کې د ملګرو ملتونو ویاند ماټهاو ګرایډن وايي: “د کډوالو راستنېدل د پیشبینۍ وړ نه دي ځکه په دې برخه کې بېلابېل عوامل وجود لري”.

د م م د کډوالو اداره وايي، چې، د ۲۰۱۷ میلادي کال په لومړۍ اوونۍ کې د۱۶۵۰ بې اسنادو کډوال له پاکستان او ۷۸۰۰ هم له ایرانه ایستل شوي دي.

د ملګرو ملتونو د شميرو له مخې په ۲۰۱۶ میلادي کال کې ۷۰۰ زره بې اسنادو افغان کډوال له ایران او پاکستان څخه خپل هېواد ته ستانه شوي، خو د دوی لپاره په افغانستان کې امکانات په هغه اندازه چې لازم دي، نه دي برابر شوي.

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close