نا معلومه وسله والو د هرات- غور پر لاره شپږ مسافر وژلي

(کابل ټکی کام، ۱۳۹۷، ۲۸) د غور سيمه ييز امنيتي مسئولين وايي، نامعلومه وسله والو نن سهار د هرات- غور پر لويه لاره شپږ مسافر وژلي دي.

د غور د پوليسو وياند اقبال نظامي وايي، نا پېژداندو وسله والو د غور مرکز فيروزکوه مربوط “بره خانه” سيمه کې د مسافرو يو فلانکوچ موټر ودرولی او پر لس کسانو يې ډزې کړي دي.

د نظامي په وينا، په دې پېښه کې شپږ تنه وژل شوي او څلور تنه نور سخت ټپيان دي.

د غور د والي وياند عبدالحي خطيبي هم پېښه تاييدوي وايي، په دې موټر کې د هزاره قوم کسان سپاره و غوښتل يې چې له هرات ولايت څخه غور ولايت ته ولاړ شي.

د هغه په خبره، د امنیتي ځواکونو يو پلاوی سيمې ته رسېدلې دی څو د پېښې د څرنګوالي په اړه نور معلومات وکړي.

تر دې دمه د دغې بريد مسئوليت چا په غاړه نه دی اخيستی.

تر اوسه معلومه نه ده چې دغه مسافر کومې مذهبي ډلې پورې تړاو لري خو تر دې مخکې د شيعه مذهبي وګړو سره ورته ډول پېښې رامنځته شوي چې پړه يې داعش وسله والې ډلې په غاړه اخيستې ده.

ټېګونه

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close