نشنل انټرسټ:افغان پوځ یواځې د امریکا د ګټو لپاره قرباني ورکوي

 

(کابل ټکی کام ۱۳۹۷ زمری ۳۱)

د نشنل انټرسټ نشریې په افغانستان کې د امریکا پر ماتې او د افغان پوځ د شاتګ په اړه یوه تحلیلي مقاله خپره کړې.
ورځپاڼه وایي، امریکایي مشرانو په ځلونو اعتراف کړی چې دوی په افغانستان کې د خپلو ګټو د تحفظ لپاره میشت دي او له افغان پوځ سره هم په همدې موخه مرسته کوي ، دغه راز افغان مشرانو په تیره بیا ولسمشر غني هم په وار وار اقرار کړی چې عسکر یې د نړیوال امنیت د خوندیتابه په موخه قرباني ورکوي.
ورځپاڼه وایي، امریکا باید پوه شي چې افغان امنیتي ځواکونه د امریکا لپاره هلته وژل کېږي ، او په خبره یې چې د امریکا په مشرۍ نړیواله ټولنه تر دې وروسته په افغانستان کې له نظامي لارو بریا ته نه شي رسېدلی.

د ورځپاڼې په باور، اوس د افغان جګړې د حل لپاره یوازې یوه لار پاتې او هغه هم دا چې امریکا د طالبانو خبره ومني او له دغه هېواد ووځي.
ورځپاڼه وایي، امریکا اوس د پاڼ او پړانګ تر منځ قرار لري، نه د ټولو ځواکونو د ایستلو بیړنۍ پریکړه کولی شي او نه هم روان حالت ورته دزغملو دی.

انټرسټ زیاتوي، د افغان پوځ ۱۰۰ سلنه نظامي او ۶۰ سلنه ملکی بودیجه د امریکا پر اوګو پرته ده او له دې سره پراخ فساد او جګړییز لګښتونه هغه څه دي چې امریکا یې اوس له اقتصادي پلوه اندیښمنه کړې.

د مقالې لیکوال وایی، امریکا که څه هم په افغانستان کې ځاني زیان دومره زیات نه لري خو مالي زیان یې تر بل هروخت پورته دی ، هغه څه چې باید دحل په موخه یې سپینه ماڼۍ له طالبانو سره یوه سالم جوړجاړي ته ځان ورسوي

ټېګونه

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close