ننګرهار: د دوربابا ولسوال او امنيه قومندان ټپيان شوي دي

(کابل ټکی کام، ۱۳۹۷، وږی ۱۰)

د ننګرهار ولايت د دوربابا ولسوالۍ پر امنيه قومندان او ولسوال بمي چاودنه شوې چې د چارواکو په وينا دواړه په دغه چاودنه کې ټپيان شوي دي.

ځايي سرچينې وايي، د يادې ولسوالۍ مربوط د ګړوکو سيمه کې پر هغه رينجر موټر چاودنه وشوه چې د يادې ولسوالۍ دواړه چارواکي پکې سپاره و.

د ننګرها د والي وياند د پېښې د تاييد تر څنګ ويلي، په چاودنه کې ولسوال هميشه ګل او امنيه قومندان نواب ټپيان شوي دي.

ځينې سرچينې وايي، د ولسوال او امنيه قومندان په ګډون د هغوی ساتونکي عسکرو ته هم مرګ ژوبله اوښتې ده.

تر اوسه د چاودنې مسئوليت چا په غاړه نه دی اخيستی، خو تر دې مخکې هم د دوربابا ولسوال د بمي چاودنو هدف ګرځېدلی چې مسئوليت يې طالبانو منلی دی.

ټېګونه

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close