ننګرهار: د ولسي تړون په دفتر کې ماين چاودنې مرګ ژوبله اړولې

(کابل ټکی کام، ۱۳۹۷، تله ۱۲)

د ننګرهار ولايت د خوږياڼو ولسوالۍ کږې بازار کې د ولسي تړون په نوم دفتر کې د چاودنې له کبله نهه کسانو ته مرګ ژوبله اوښتې ده.

د ننګرهار د والي وياند عطاءالله خوږياڼی وايي، چاودنه په ياد دفتر کې د ځای پرځای شويو چاودېدونکو توکو له کبله رامنځته شوې ده.

د خوږياڼي په وينا، د پېښې قربانيان ټول د ولسي تړون د پروژې کارکوونکي دي.

د سيمه ييز روغتون مسوولین وايي، د پېښې له ځايه د دوو کسانو جسدونه او اووه ټپيان وروړل شوي دي.

تر دې دمه د بريد مسؤليت چا په غاړه نه دی اخيستی.

دا په داسې حال کې ده، چې دوه ورځې مخکې هم د کامې ولسوالۍ په سنګر سرای سيمه کې د ټاکنو د يوه نوماند په غونډه کې چاودنې نهه کسان ووژل او لسګونه نور ټپيان شول.

ولسي تړون چې پخوا يې نوم ملي پيوستون و په کليو او بانډو کې پراختيايي پروګرامونه پر مخ کړي خو د دغه پروژې په پيسو ډير کله ولسونه سره په جنجال شوي هم دي.

ټېګونه

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close