ننګرهار: په سراچه موټر ماین چاودنه کې يوولس کسان وژل شوي دي

(کابل ټکی کام، ۱۳۹۷، تله ۲۹)

د ننګرهار ولايت په اچین ولسوالۍ کې په يوه سراچه موټر د ماین چاودنې له امله يوولس کسان وژل شوي دي.

پېښه نن له غرمې مخکې د يوولس بجو په شاوخوا کې د مامندرې په مکان سیمه کې رامنځته شوې ده.

د ننګرهار د والي وياند عطاءالله خوګياڼی وايي، په پېښه کې د يوې مېرمنې او شپږو ماشومانو په ګډون يوولس کسان وژل شوي دي.

ويل کېږي، وژل شوي کسان ټول ملکيان او د يوې کورنۍ غړي دي.

د مامندرې سيمه مخکې د داعش وسله والو تر ولکې لاندې وه او لږه موده کېږي چې يادې سيمې ته دولتي ځواکونه ورغلي دي.

تر اوسه د چاودنې پړه چا نه ده منلې.

ټېګونه

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close