نیمروز: د پولیسو د کمیسارۍ سلاکار پر یوه هلک جنسي تېری کړی

کابل ټکی کام ۱۱سلواغه/۱۳۹۴، احمدالله مهاجر
د پولیسو یوې باوري سرچینې ، د نوم نه ښودلو په شرط رسنیو ته ویلي دي چې «دوه ورځې وړاندې د اېران پولې ته څېرمه په پول ابرېشم سیمه کې د دې سیمې یو زورواکي قمندان پر یوه نیمروزي هلک جنسي تېری کړی او بیا یې لوڅ لغړ په بازار کې ګرځولی دی.»
د سرچینې له قوله، دغه زورواکی چې سید احمد نومیږي، په مشرانو جرګه کې د سناتور نادر بلوچ ورور، او په سیمه کې د پولیسو په کمېسارۍ کې د سلاکار په توګه دنده اجراء کوي.
د هلک کورنۍ له دولت څخه د انصاف غوښتنه کوي او وايي، که یې غږ وانه ورېدل شي نو هغه څه به وکړي چې زړه یې غواړي.
د یادولو ده چې تېره هفته په بغلان کې هم ورته پېښه شوې وه چې یو قمندان له یوه کور څخه یو لغړزنۍ هلک په زور له ځان سره بېولی و.

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close