هرات: د کهسان ولسوال په چاودنه کې ووژل شو

(کابل ټکی کام، ۱۳۹۷، لړم ۱۹)

د هرات څخه راپورونه وايي، چې د دغه ولايت په کسهان ولسوالۍ کې دننه چاودنې مرګ ژوبله اړولې ده.

ځايي سرچينې وايي، چاودېدونکي توکي د ولسوال په دفتر کې ځای پر ځای شوي و چې د هغه په شتون کې چاودنه هم شوې ده.

که څه هم د هرات د والي وياند جيلاني فرهاد په لومړيو کې وويل چې د نوموړي له روغتيايي وضعيت څخه کره معلومات نه لري خو وروسته يې رسنيو ته وويل چې نوموړی په ياده چاودنه کې وژل شوی دی.

د کهسان ولسوالۍ سيمه ييزو سرچينې وايي، چاودنه نسبتاً شديده وه او د ولسوال په شمول د هغه څو تنه کارمندان هم پکې وژل شوي دي.

تر اوسه د دغه چاودنې مسئوليت چا په غاړه نه دی اخيستی، خو تر دې مخکې طالبانو پر ځينو دولتي او پوځي چارواکو ورته ډول چاودنې ترسره کړي دي.

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close