هرات: نفوذي کمانډو سرتیری امریکایانو په شکنجو شهید کړ

(کابل ټکی کام ۱۳۹۷ لړم ۱)

له هرات ولایت څخه ورکړل شوي راپورونه وایي چې، د ځانګړو ځواکونو هغه سرتیری چې تیره ورځ یې د شینډنډ په هوایي ډګر کې دریو بهرنیو عسکرو ته مرګ ژوبله اړولې وه، د امریکایانو له خوا په شکنجو شهید شوی دی.

سرچینې وایي،نوموړی تر ډزو وروسته سملاسي د خپلو افغان ملګرو له خوا ونیول شو او بهرنیانو تر سپارل کیدو وروسته په چورلکه کې نامعلوم لوري ته انتقال شو.

تیره ورځ د ځانګړو ځواکونو یوه نفوذي سرتېري پر بهرنیو عسکرو د ټوپک شپېلۍ وراړوله، چې په پایله کې یې ‘ګڼ شمېر’ بهرنیو عسکرو ته مرګ او ژوبله اوښتې.
په افغانستان کې د مېشتو بهرنیو ځواکونو د ‘غوڅ ملاتړ’ ماموریت منلې چې په برید کې د دوی ‘یو’ عسکر ووژل شو او ‘دوه’ نور ټپیان شول
خبر زیاتوي، د دغه کمانډویي سرتیري جسد په شینډنډ ولسوالۍ کې د افغان ځواکونو لوا ته سپارل شوی دی.
ویل کیږي نوموړي تر سختو وهلو ډبولو او شکنجو وروسته ساه ورکړې .
طالبانو دغه سرتیری خپل نفوذي کس بللی او ویلي یې دي چې د وحیدالله ننګرهاري په نوم دغه ځوان له څه مودې راپه دې خوا په کمانډو ځواکونو کې ځای پرځای شوی وو.

ټېګونه

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close