هرات: پوليسو د سياسي ګوندونو پلوي اعتراض کوونکي وهلي

(کابل ټکی کام، ۱۳۹۷، وږی ۲۵)

په هرات کې د سياسي ګوندونو پلوي اعتراض کوونکي ادعا کوي چې د پوليسو له لوري وهل شوي او ځينې زخميان شوي دي.

په هرات کې یو تن اعتراض کوونکی محمد عارف کیاني وايي، چې د ده په ګډون یو شمير اعتراض کوونکي د پوليسو له لوري وهل شوي او ځينو نور يې پوليسو نيولي هم دي.

ځايي خبري سرچينې وايي، پوليسو د اعتراض کوونکو خيمې خالي کړي او سيمه يې په خپل واک کې اخيستې ده.

په عين حال کې د هرات د پوليسو وياند عبدالاحد ولي زاده وايي، که اعتراض کوونکي د انتخاباتو ولايتي کمېسيون د تړلو اراده وکړي نو پرضد به يې قانوني کړنې ترسره شي.

تيره ورځ په هرات، هلمند او ننګرهار کې د (ملي اييتلاف) په نوم د سياسي ګوندونو پلويانو د انتخاباتو کمېسيون ولايتي دفترونه وتړل او په ځينو نورو ولايتونو کې يې د یادو دفترونو د تړلو ګواښ وکړ.

د سياسي ګوندونو اییتلاف یو شمير غوښتنې لري چې اساسي يې راتلونکې ټاکنې په بایوميټريک سستم ترسره کول، په ټاکنو د سياسي ګوندونو څارنه او ځينې نورې غوښتنې دي.

په عين حال کې د ټاکنو کمېسيون رئيس ګلاجان عبدالبديع صياد وايي، د سياسي ګوندونو پلويانو له لوري د انتخاباتو کمېسیون د دفترونو تړل د منلو وړ نه دي زیاتوي “سياسي ګوندونه دې خپلې غوښتنې او وړانديزونه مونږ سره شريک کړي” ترڅو ترې استفاده وشي.

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close