هر کال سلګونه برېتانوي سرتيري د رواني ستونزو له امله له پوځ شړل کېږي

 

(کابل ټکی کام ۱۳۹۷ چنګاښ ۳)

یوه نوې څیړنه ښیي چې د بریتانیا د پوځ په لیکو کې رواني ستونزې په بیسارې توګه زیاتې شوې او په کلنۍ توګه سلګونه انګلیسي عسکر د پوځ له لیکو ایستل کیږي.

د دې هیواد رسنیو د “اتلانو سره مرسته“ په نامه د یوه خیریه بنسټ وروستۍ څیړنه خپره کړې چې په کې راغلي؛ تیرکال هره ورځ یو سرتیری د پوځ له لیکو ایستل سوی او دا لړۍ په پراخیدو ده.
د څیړنې تر مخه ؛ په ۲۰۱۲ او ۲۰۱۳ کلونو کې په متوسط ډول هرکال ۲۳۹ کسان په روهي ناروغیو د اخته کیدو له امله له پوځ څخه ایستل کیدل، چې دا شمیره په تیر ۲۰۱۷ کال کې ۴۷۳ تنو ته رسیدلې.

راپور زیاتوي؛ یواځې راتلونکې اونۍ به ۴۹ نور ځواکونه د رواني ستونزو له امله له پوځ وایستل شي.

د اتلانو بنسټ وایی؛ بریتانوي پوځ د نړۍ په کچه ۵ درجه پوځ دی چې زیات لګښتونه او پراخه بودیجه لري خو په رواني ناروغیو اخته کسانو سره هیڅ راز مرسته نه ده شوې.

تر دې وړاندې د امریکا او نورو هیوادونو د پوځیانو راپورونه هم په ورته ډول انځور شوي و او په کې ویل شوي و، چې هرکال لسګونه هغه سرتیري د رواني ناروغیو له امله ځان وژنه کوي چې له افغانستان څخه بیرته خپلو کورونو ته ستانه شوي.

ټېګونه

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close