هلمند: د پوليسو د رينجر او سراچې په ټکر کې څلور کسان مړه، شپږ ټپيان دي

(کابل ټکی کام، ۱۳۹۷، چنګاښ ۲۶) د هلمند ولايت په ګرشک ولسوالۍ کې د يوې ترافیکي پېښې له امله لس کسانو ته مرګ ژوبله اوښتې ده.

د هلمند د والي وياند عمر ځواک وايي، پېښه تېره شپه د يادې ولسوالۍ مربوط د کندهار- ګرشک پر لويه لاره د رینجر او سراچې موټر د ټکر له امله رامنځته شوې ده.

د ځواک په خبره، په دې پېښه کې څلور کسان مړه شوي او شپږ تنه نور ټپيان دي زیاتوي چې ټپيان د تداوۍ لپاره روغتون ته لېږدول شوي دي.

په مړو شويو کې دوه مېرمنې او دوه ماشومان دي.

په هېواد کې ډيرې ترافيکي پېښې د موټرچلوونکو د بې احتياطۍ او د سړکونو د خرابوالي له کبله رامنځته کېږي.

خو د هېواد په ځينو سيمو کې خلک وايي، چې پوليس، زورواکي او چارواکي ترافيکي قوانين نه مراعتوي او وخت ناوخت د ترافيکو پېښو د رامنځته کېدو سبب ګرځي.

څه موده مخکې په پلازمينه کابل کې په نږدې پرلپسې ورځو کې دوه ترافيکې پېښې د بهرنيانو له لوري ترسره شوې چې پکې دوه کوچنيان او يوه مېرمن وژل شوي و.

ټېګونه

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close