واشنګټن ايګزماينر: د امریکا له خوا حمدالله محب ته ويزه ورکول بند شول

(کابل ټکی کام، ۱۳۹۷، کب ۲۵)

امریکايي خپرونې واشنګټن ايګزماينر وايي، له دې وروسته د افغانستان د ملي امنيت سلاکار حمدالله محب ته د امریکا ویزه نه ورکول کيږي.

یادې خپرونې د امریکا د بهرنيو چارو وزارت د سرچينو له قوله ليکلي، چې پر حمدالله محب د ډير وخت لپاره د امریکا ويزه بنده شوه.

د سرچينې په وينا، په وروستيو کې د امریکا په اړه د محب څرګندونې د دې لامل شوې چې هغه ته ويزه ورکول بند کړي.

واشنګټن ايګزماينز وايي، د امریکا د استازي زلمي خليلزاد او امریکا د وروستيو مذاکراتو په اړه د حمدالله محب څرګندونو ډيپلوماتيکي اړخ نه درلود.

سرچينې ويلي، دا چې د حمدالله محب ميرمن امريکايۍ ده نو ځکه پرې له يوې مخې د ويزې بنديز نه لګول کېږي.

په وروستيو کې حمدالله محب د زلمي خليلزاد په اړه ويلي و چې د سولې په اړه مذاکراتو کې شخصي ګټې لټوي هڅه کوي چې راتلونکي کې د افغانستان د موقت حکومت مشري وکړي.

دغه راز نوموړي طالبانو سره د امریکا مذاکرات ګټور نه و بللي او دا يې د امریکايي عسکرو سره خيانت او د هغوی لپاره د شرم وړ بللي و چې په وينا يې افغان حکومت ته پکې ونډه نه ده ورکړل شوې او دوی به دغه مذاکرات ونه مني.

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close