وال سټریټ ژورنال: طالبانو.د لیزري وسلو په مټ د لسګونو امریکایانو سترګې ړندې کړې

(کابل ټکی کام ۱۳۹۷ زمری ۲۷)

د امریکا د والسټریټ ژرورنال ورځپاڼې د راپور تر مخه چې د امریکایي چارواکو په استناد یې خپور کړی، سږکال د لیزري وسلو په مټ د سلګونو امریکایانو د ړندولو هڅې شوې.

ورځپاڼې ته په قطر کې امریکایی پوځي چارواکو ویلي، د روان کال په اوږدو کې په عراق، سوریه او افغانستان کې وسلوالو مخالفینو ۳۵۰ ځله د امریکا د هوايي ځواک د ناکاره کولو، د الوتکو د نسکورولو او د هوایي ځواکونو د سترګو د لید د ختمولو په خاطر د لیزري وسلو بریدونه کړي.

چارواکو ویلي، دا شمیر په ټول تیر کال کې یواځې ۴۰۰ ځله تکرار شوې چې د سږکال په پرتله ډیر کموالی ښیي

ورځپاڼې ته د جنرال بیل اوربان په نامه پوځي چارواکي ویلي، د لیزري وسلو په مټ د پیلوټانو د ړندولو هڅې ډیرې خطرناکې دي او کیدای شي چې د یوه پیلوټ د سترګو لید د تل لپاره ختم کړي

دا لومړی ځل دی چې امریکایی چارواکي د طالبانو له خوا د لیزري وسلو د کارولو له امله اندیښنه څرګندوي، تر دې وړاندې افغان چارواکو په وار وار دا وسلې خطرناکې بللې وې.

ټېګونه

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close