ولسمشر غني په ناڅاپي سفر جلال اباد ته تللی

(کابل ټکی کام، ۱۹۷، سلواغه ۲۱)

د ننګرهار ولايتي چارواکي وايي، چې ولسمشر غني نن سهار په يوه ناڅاپي سفر دغه ولايت ته ورغلی دی.

د چارواکو په وينا، ټاکل شوې چې نوموړی به نن په يوه ولسي غونډه کې وينا هم وکړي.

تر اوسه د ولسمشرۍ ماڼۍ له لوري د دغه سفر په اړه معلومات نه دي ورکړل شوي.

له بله پلوه داسې ويل کېږي، چې اشرف غني د ننګرهار شينوارو ولسوالۍ مربوط ۷۲ اويایم غونډ ته په الوتکه کې ورغلی دی.

ځايي سرچينې وايي، غني به د شينوارو تر څنګ له څو نورو ولسواليو څخه هم ليدنه وکړي.

تر دې مخکې د مومندو او شينوارو قومونو د يوولس ولسواليو د ولايت کولو غوښتنه کړې وه.

خو تر اوسه څرګنده نه ده چې غني به د شينوارو ولسواليو د ولايت کيدو په اړه څه ډول حکم وکړي.

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close