ولسي جرګه: ګلخانۍ او سپیدار ماڼۍ ۱۵ زره کارکونکي لري

 

(کابل ټکی کام ۱۳۹۶ مرغومی ۲۳ فرید افغان)

د افغانستان ولسي جرګه وایي چې د ولسمشرۍ او اجرایه ریاست کارمندان تر ۱۵۰۰۰ تنو پورې رسیږي چې د دولت لویه بودیجه هم دغه کسان مصرفوي.
ولسي جرګه وایي، داکسان زیاتره د خپلوۍ، واسطو او رشوت ورکولو په مټ دلته راوستل شوي دي.

د ولسي جرګې وکیل زهیر سعادت وویل، ارګ د لوی مالي فساد سرچینه ده او په خبره یې چې د ګلخانۍ په ماڼۍ کې ۷۳۲۳ د جمهوري ریاست په امورو کې ګمارل شوي ۲۹۱۷ تنه د دې ریاست کارمندان دي او د ولسمشر د ساتونکو شمیر ۲۲۸۰ تنو ته رسیږي.
همداراز یې وویل چې اجرایه ریاست۱۱۲۹ تنه کارمندان او ساتونکي لري، چې په وینا یې دا ټول غیر ضروري او د فساد سرچینه بلل کیږي.
زهیر سعادت زیاته کړه، چې د ۱۳۹۷ کال په بودیجه کې تر ۶۰ ملیارده افغانیو ډیرې پیسې د جمهوري ریاست احتیاطي کود ته جمع شوې دي چې دا ټول د ملت او بیت المال پیسې دي.

د ولسي جرګې بل وکیل لالی حمیدزي بیا وویل چې داکسان د خپلوۍ ترمخه ټاکل شوي او زیاته یې کړه چې د ولسمشرۍ ماڼۍ د خپلو افرادو د زیاتولو په موخه داچاره ترسره کړې ده د لالي په خبره چې دا کسان په لوړو تنخواوو ګمارل شوي چې د کارکونکو میاشتنۍ تنخوا له ۵۰ زرو نیولې بیا تر ۵۰۰ زره افغانیو رسیږي چې دا په خپله دفساد لویه بیلګه ده

اړونده مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close