کابل ټکى کام (يکشنبه ، ١٢ لړم ، ١٣٩٨ل)
دبنګله ديش په پلازمينه پ ډاکه کي ډیر زاړه خلک لیدل کيږي، چي خپلي ږیري په نکریزو رنګوي. داسي معلومیږي، چي سور او نارنجي رنگ هلته اوس یو موډ گرځیدلي وي. خو سوال داده چې ولي دوی خپلي ږیري رنگوي؟
د بنگله دیش په پایتخت ډاکه کي د ابوطاهر په نوم یو کس په دې باب چي ولي زاړه خلگ خپلي برَگي او یا سپيني ږیري په نکریزو رنګوي وايي چي د ملایانو څخه می اوریدلي دي چي حضرت محمد(صلى الله عليه وسلم) به خپله ږیره په نکریزو سره رنګوله. زه یوازي د هغه پیروي کوم اوسنت يې ژوندي کوم.
د پلازمينې ډاکې دغه اوسیدونکي په دې عقیده دی چي نکریزي د ږیري د تقویې سبب هم ګرځي. ده خپلي ږیري ته په اشارې سره وویل، چي «زما ږیري ته وگوره، ایا ډيره جالبه نه ده؟
په بنګله دیش کي چي اکثریت اوسیدونکي یې مسلمانان دي، نکریزي د ډیر وخت څخه په کې رواج دي او استفاده ورڅخه کیږي، په ځانګړې ډول په ودونو کي.
خو اوس بیا د ږیري په رنګولو کي هم ډیر کار ورڅخه اخیستل کیږي. دا کار اوس هلته په یوه موډ بدل شوې دی.
ځکه چي د ډاکې په هر کونج او کوڅه کي زاړه خلک لیدل کیږي چي خپلي ږیري یې په نکریزو رنگ کړي وي.
