کابل ټکی کام (يکشنبه، ۲۶ لړم، ۱۳۹۸ل)
یو شمېر هغه افغان سیاسیون چې قطر کې یې د طالبانو له سیاسي استازو سره ملاقاتونه کړې، وايي چې طالبان ټینګار کوي چې له امریکایانو سره به د سولې خبرې بیا له صفره پیل نه کړي. د وی په خبره د امریکا او طالبانو ترمنځ د سولې د هوکړه لیک لومړنی متن بشپړ شوی، مګر امریکا خپله ژمنه ماته کړې ده.
له دې ډلې اسماعیل یون، د یکشنبې په ورځ یې په دې اړه کابل کې رسنیو ته وویل: “طالبان وایي، زموږ شرط دا دی چې مذاکرات له صفري نقطې نه پیلوو، لس میاشتې مو چې په کومو موضوعاتو توافق کړی، بیا پرې له سره بحث نه کوو، خو له دې وروسته په پرمختګونو خبرې کوو، دا تعهد هم اخلو چې که امریکا له موږ سره هوکړه کوي، باید لاسلیک یې هم کړي او وخت ضایع نه کړي.
دغه راز هغه وويل چې طالبانو ډاډ ورکړی، چې بين الافغاني مذاکرات به له امريکايي لوری سره د هوکړې تر لاسليک وروسته شروع کيږي، چې د ټول افغان اولس استازي او سياسيون به پکې برخه ولري.
راتلونکي سیاسي نظام جوړښت، د بیان او رسنیو ازادي، د ښځو حقوق او یو شمېر نور له هغه مهم موضوعات دي چې دواړو لوریو پرې بحث کړی.
د دوی په، راتلونکی سیاسي نظام به د لویې جرګې او د ټولو لوریو له سلامشورو وروسته رامنځ ته کيږي.
