پرونۍ زلزلې يوازې ۴ ولايتونو کې ۲۴۲ تنو ته مرګ ژوبله اړولې ده

کابل ټکی کام ۰۵عقرب/۱۳۹۴

قدرت الله حسین

چارواکي وايي، چې پرونۍ زورورې زلزلې د هېواد په يوازې ۴ ولایتو کې تر دې دمه ۲۴۲ تنو ته مرګ ژوبله اړولې ده

ياده مرګ ژوبله يوازې په ختيځو ولايتو ننګرهار، کنړ، نورستان او لغمان کې پېښه شوې ده.

د ننګرهار د عامې روغتيا رياست ويلي، چې پرون ناوخته د دې ولايت حوزوي روغتون او نورو کلينيکونو ته ۱۰ مړي او ۹۰ تنه ټپيان ور وړل شوي دي.

د کنړ د والي وياند بيا وايي، چې تر اوسه يې د ۳۰ تنو مړو او ۶۵ تنو ټپيانو خبر ترلاسه کړی دی.

نورستان کې بيا ۶ تنه وژل شوي او له ۳۰ ډېر نور ټپيان دي.

د لغمان چارواکو بيا په دې ولايت کې د ۴ تنو د وژل کېدو او ۹ نورو د ژوبلې خبر ورکړی دی.

چارواکي زياتوي چې زلزلې په ټولو څلورو ولايتونو کې ستر مالي زيانونه هم اړولي دي.

ياده زلزله چې زور يې د رېکټر په کچه ۷،۷ درجې اټکل شوی دی، مرکز یې په بدخشان کې و او افغانستان، پاکستان، هند او نيپال يې په يوه وار ولړزول.

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close