پلچرخي زندان: د روغتیایي آسانتیاو د نه شتون له امله یو بندي وفات شوی دی

 

(کابل ټکی کام ۱۳۹۷ وږی ۱۸)

راپورونه وایي، چې د کابل په تر ټولو لوی زندان “ پلچرخي“ کې یو بل بندي د نه تداوۍ او د روغتیایي آسانتیاو د نه شتون له امله مړ شوی دی.
دفارياب ولايت اوسېدونکی شاه پسند د محمد هاشم زوی چي د پلچرخي زندان په دريم بلاک کي يې د بند شپې ورځي تېرولې او له څه مودې راهيسي ناروغ وو، تېره ورځ په حق رسیدلی.
د نوموړي ملګري وایي، شاپسند په صعب العلاجه“ناممکنه“ ناروغۍ نه وو اخته ، خو د روغتيايي اسانتياوو نه شتون او له محابسو څخه د باندي په روغتونونو کي د ناروغو بنديانو تداوۍ ته اجازه نه ورکول هغه لاملونه و، چي د نوموړي په ګډون یې په تیر یوکال کې ګڼ زندانیان د مرګ ترکومې ورسول.
باید وویل شي چې دا په تیره یوه اونۍ کې دوهم بندی ده چې د معمولي نارغۍ له امله خپل ژوند له لاسه ورکوي.
طالبانو پر دې پیښه خواشیني ښوودلې او ویلي یې دي چې
“د افغانستان اسلامي امارت متعهد دی چي د مسلمان اولس ددغو مظلومو او بې دفاع بچيانو ملاتړ به د هري ممکنه وسېلې څخه په ګټي اخيستني سره کوي“
طالبانو د بندیانو کورنیو ته ډاډ ورکړی چې بندیان ورته اولویت لري او مشکلاتو ته د رسېدګۍ لپاره يې پوره کوښښ کوي.
باید وویل چې څو ورځې وړاندې دولتي ځواکونو په پلچرخي زندان کې د بندیانو نمایندګان او علماء په دې پلمه د بګرام زندان ته انتقال کړل چې ګواکې د وسلوالو ډلو سره نږدې اړیکې لري، په غبرګون کې یې زندانیانو سخت عکس العمل وښووده چې په نتیجه کې یې څو کسه پولیس او بندیان هم ټپیان شول.

ټېګونه

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close