پنتاګون: امريکا سعودي ته د ۱،۲۹ مليارد ډالرو وسله ورکوي

کابل ټکی کام ۲۶عقرب/۱۳۹۴

قدرت الله حسین

د امريکا دفاع وزارت يا پنتاګون ويلي دي، چې د امريکا حکومت په پام کې لري، په سوريه او يمن کې د جګړې په اوږدو کې د هوايي بريدونو لپاره سعودي عربستان ته د ۱،۲۹ ميليارد ډالرو وسله ورکړي.

راپور وايي، په دې اړه د امريکا کانګرېس ته خبر ورکړل شوی دی او کانګرېس به د يوې مياشتې په موده کې په دې اړه خپله پرېکړه واوروي.

راپور زیاته کړې ده، اټکل کېږي په دغو پيسو به نږدې ۲۲ زره بمونه جوړ کړل شي، چې ۱۰۰۰GBU-10 Paveway ډوله بمونه به هم په کې وي، دغه بمونه د لايزر د وړانګو په مرسته هدف په ګوته کوي.

سعودي چارواکو لا په دې اړه څه نه دي ويلي.

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close