پنجشیر: طالبانو یوه پوسته نیولې او ۲ عسکر یې ژوندی نیولي

 

(کابل ټکی کام ۱۳۹۷ چنګاښ ۱۴)

راپورونه وایي چې طالبانو د پنجشیر ولایت په دره عبدالله ولسوالۍ کې یوه امنیتي پوسته نیولې او ګڼ مهمات یې له ځانه سره وړي.

سرچینې وایی؛ یو شمیر عسکرو د طالبانو له برید سره همهاله پوسته پریښې خو ځینې نور بیا ژوندي طالبانو ته په لاس ورغلي.
طالب ویاند ذبیح الله مجاهد د پیښې د پخلي ترڅنګ وایي؛ پوسته یې په ټولیزه توګه نیولې او په خبره یې چې “ ۲ تنه پولیس ژوندي نیول شوي ، پاتي نور په ډیر بدحالت کې په تیښته تللي او وسلې او مهمات یې د مجاهدینو لاس ته ورغلي دي“

دره پنجشیر

د طالبانو سرچینو ویلي چې نیول شوی امنیتي کسان یې خپلو خوندي سیمو ته رسولي.
د پنجشیر ځایي چارواکو په دې تړاو تر اوسه کوم سپیناوی نه دی کړی.
باید وویل شي چې پنجشیر د هیواد په کچه امن ترین ولایت بلل کیږي خو د وسلوالو طالبانو سږنيو عملیاتو د دې ولایت امنیتي تدابیر هم له ننګونو سره مخ کړي .

د پوځي چارو کار پوه جاوید امرخیل د طالبانو د “الخندق“ عملیات خطرناک بولي او زیاتوي چې، طالبان غواړي داځل هغه اهداف په ډیره ساده او مرموزه توګه په نښه کړي، کوم چې لاس رسی یې ورته ستونزمن و.

ټېګونه

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close