پنټاګون: هلمند کې ټپي شوي امريکايي پوځي ساه ورکړه

(کابل ټکی کام، ۱۳۹۷، زمری ۲۳)

د امریکا د دفاع وزارت څخه په خپره شوې خبرپاڼه کې راغلي، هغه پوځي چې د افغانستان په سويلي ولايت هلمند کې ټپي شوی و د سخت ټپونو له کبله ساه ورکړې ده.

خبرپاڼه زياتوي، پنځه دېرش کلن ريمونډ راروګال تېره اوونۍ په هلمند ولايت کې د سړک د غاړې په ماين چاودنې کې ټپي شوی و.

پنټاګان د ياد پوځي د وژل کېدو له اعلان وروسته ويلي چې د يادې پېښې په اړه يې پلټنې پيل کړي دي.

د امریکايي رسنيو د معلوماتو پر بنسټ، نوموړي پوځي په دوه زره پنځم، شپږم او اتمو کلونو کلونو کې په عراق کې د امریکا په هوايي ځواک کې دنده کړې ده.

اود ۲۰۱۸م کال په مارچ میاشت کې د امريکايي ځانګړو ځواکونو سره يوځای د جګړې لپاره افغانستان ته رالېږل شوی و.

د افغانستان او سيمې په اړه د ټرمپ د ستراتيژۍ له اعلان وروسته د ۲۰۱۸م فبرورۍ مياشت کې له عراق څخه افغانستان ته امريکايي پوځيان د جګړې لپاره راولېږل شول چې د چارواکو په وينا ډيری يې د افغان پوځيانو په روزنه، هغوی ته په مشورو ورکولو او وخت ناوخت په چاپو، هوايي او ځمکنيو عملياتو کې هم برخه اخلي.

ټېګونه

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close