غورځنګ
له کومه وخته چې ټرمپ د امريکا ولسمشر ټاکل شوی، نو په امریکا کې هم د افغان جګړې په اړه متفاوت نظرونه او رائيې راولاړې شوې دي. چې د دغو مختلفو نظر درلودونکو له جملې يې يو د امريکا استخباراتي اداره سي ای اې ده چې تل دا نظر لري چې افغان جګړه پای ته ونه رسېږي او امریکا بايد د سیمې د کنټرول او په سيمه کې د اړودوړ د پيدا کولولپاره بايد امریکا خپل نظامي حضور ولري.
بل لور ته بيا کانګرېس او د ټرمپ حاکمه ډله بل ډول نظر لري او هغه وايي چې افغان جګړه بايد پای ته ورسېږي او امريکايي عسکر بايد له افغانستان څخه ژر تر ژره راووځي.
خو سي ای اې چې يوه نړيواله جنايتکاره استخباراتي ډله ده نو افغان جګړې ته د خپلو هغو پلانونو له دوربين څخه ګوري چې هر کال يې د افغانستان د اړو دوړ او ناخوالو لپاره برابروي.
مګر ټرمپ بيا افغانستان ته د اقتصاد له دوربين څخه ګوري او هر وخت په خپلو ويناوو کې وايي چې افغان جګړه د امریکايي اقتصاد زبېښونکې جګړه ده چې پدې جګړه کې تقريباً ټيليونونه ډالر لګېدلي دي او لا هم روانه ده او که نور هم دوام وکړي نو کېدی شي چې امريکا له اقتصادي رکود سره مخ شي. ټرمپ د امریکا امنيت هم څاري او هغه بريدونه چې په دې وروستيو وختونو کې په امريکا کې ورځ تر بلې ډېرېږي، د امریکا امنيت ته ستر ګواښ بولي او وايي چې که چېرې اوس امريکا افغان جګړه پای ته ورسوي نو کېدی شي امريکا له امنيتي ګواښ څخه وژغورل شي. او که پای ته ونه رسول شي نو امريکا به نور هم د بدامنۍ لوري ته ټيل وهل شي.
ځکه نو اوس په امریکا کې د افغان جګړې په اړه دوه ډوله نظرونه او رائيې موجودې دي.
خو سي ای اې بيا تل دا هڅه کوي چې ټرمپ په دې قانع کړي چې په افغانستان کې دې امریکا نظامي حضور دوام وکړي او پای ته دې ونه رسول شي، د همدې لپاره سي ای اې ټرمپ ته زمينه برابره کړه تر څو افغانستان ته راشي او حالات له نږدې وڅاري او په دې قانع شي چې افغانستان کې دې امریکايي نظامي حضور وساتل شي.
خو ټرمپ چې راغی نو د سولې خبرې يې کولې او ويل يې چې طالبانو سره به يوې ښې معاملې ته ورسېږي او د سولې خبرې بيا پيل کوي.
