په بيت المقدس کې پراذانونو بنديز

اسرائيلي حکومت په بيت المقدس کې دمسلمانانو په جوماتونوکې په اذانونوبنديز ولګاوه اعلان ېې وکړ چې وروسته له دې هيڅ مسلمان ملا په جومات کې اذان نه شي کولای تردې دمخه اسرائيلي حکومت پرمسلمانانو بنديز لګولى ؤ چې په جمع  به لمونځ نه کوي ترڅو دمسلمانانو دمظاهرو مخه ونيول شي خو دا  د اسرائيلي واکمنو يوه پلمه ده اوس خبره روښانه شوه چې په بيت المقدس کې مسلمانان په جوماتونوکې اذانونه نه شي کولاى دپلمې خبره له منځه ووتله .

ترټولو لومړى دا، عرب دي که عجم دلومړۍ قبلې ازادول پرې فرض دي عرب علماکرامو دافغانستان دجهاد له فتوا دمخه بايد دلومړۍ قبلې دازادولو دجهاد فتوا ورکړې وای په افغانستان کې تراوسه داسې حکومت نه دې راغلى چې په ملاامامانو په جوماتونوکې اذانونه بندکړي.

دعرب واکمنو او مفتيانولخوا لومړى بايد داسرائيلوپرخلاف دجهاد فتوا ورکړل شوې وای چې فلسطيني مسلمانان یې ژوندي په اور کې وسوځول تراوسه په افغانستان کې پرمسلمانانو دومره ظلمونه نه دي شوي لکه اسرائيلو چې په غزه کې په فسلطيني مسلمانانو وکړل .

اسرائيلي واکمن په بيت المقدس کې په جوماتونوکې په ملاامامانو داذانونوبندلو له بنديز څخه دوه ګټې پورته کوي يو داچې لومړى دعربو او بيا دنړۍ دمسلمانانو دايمان او غيرت ازميښت کوي چې په خپله لومړۍ قبله پکې دغيرت کولو ايمان پاتې دي که يواځې په خوله مسلمانان دي .

دوېم داچې اسرائيل لومړی دعربو او بيا دنړۍ دمسلمانانو داغيرت هم ګوري چې که په بيت المقدس کې یې د اذانونو په بنديز عکس العمل وښود نو د فسلطيني خويندو په عزت  به هم عکس العمل وښیي ترڅو  دمسلمانانو ايمان او جذبه ښه معلومه کړي.

بيت المقدس څه دنن او پرون خبره نه ده   چې اسرائيل پرې په واکمنۍ سره اذانونه بندوي دا دمسلمانانولومړۍ قبله او  تاريخ دي، دلومړۍ قبلې نه علاوه بيت المقدس له اسرائيلو څخه دسرونوپه بيه ازاد کړل شوي دي عربي مجاهدينو بايد لومړى په بيت المقدس کې جهاد پيل کړی وای او افغانان یې دبيت المقدس جهاد ته دعوت کړي واى.

که عربي واکمنو دامريکا له ويرې خپله داسرائيلو پرخلاف جهاد نه شوکولای افغانانو ته به یې په فلسطين کې دجهاد زمينه برابره کړې وای که په فلسطين کې يو افغان شهيد کيدای نو په مقابل کې به  دمسلمانانو دښمن اسرائيلي هم وژل کيدای دافغانستان په جهاد کې خو دروسانو وروسته افغانان په خپلو کې سره ووژل شول.

پر بيت المقدس مسلمانانو خپلې وينې نذرانه کړې دي په ٥٨٣م کې سلطان ايوبي دخپلو پوځونوپه ميړانه بيت المقدس چې داسرائيلو په واک کې و محاصره کړ له ٢٠ستمبره تر ١٢اکتوبر پورې پر ې جګړې روانې وې  چې بالاخره اسرائیلو ماتې وخوړه او بيت المقدس مسلمانانو فتح کړ.

دمسلمانانو لومړۍ قبله بيت المقدس تر ٧٦١م پورې په بشپړه توګه دمسلمانانو په لاس کې وه چې وروسته اسرائيلو د امريکا،برتانیېاو فرانسې په مرسته دمسلمانانو سره جګړې پيل کړې او ديوه سازش له مخې امريکا، برتانیې او فرانسې عربې واکمن په ١٩٤٨م دفسلطين نيمه برخه اسرائيلوته په ورکولو رضاکړل ،په اصل کې بيت المقدس اسرائيلو له مسلمانانو په جګړه کې نه دی ګټلی  د عربستان پاکې خاورې ته دسلام په کولو عربي شيخانو اسرائيلو ته ورکړي دی چې نن ورځ یې دادی په مسلمانانو اذانونه هم بندکړل.

موږ بايد خپل وخت او طاقت په سني شيعه اختلاف تير نه کړو دا سني شيعه اختلاف هم د امريکااو اسرائيلو دسيسه ده په سنګرکې وسله وال مجاهدين اوهم  قلم په لاس ليکوالان چې د نړۍ په هره برخه کې دي بايد  دخپلې لومړۍ قبلې په جوماتونو کې داذانونو په بنديز غور وکړي .

اسرائيل دسني او شيعه دواړو دښمن دي، امريکا او اسرائيل دبرتانيې په مرسته سني او شيعه اختلافات راپورته کوي او ځانونه خپل اصلي مقصد ته رسوي عرب شيخان خو هسې هم څه له امريکا ويره لري او څه دغفلت په خوب ويده دي موږ ټول مسلمانان بايد دکفرې نړۍ په مقابل کې لکه څرنګه چې هغوی دمسلمانانوپه مقابل کې سره يولاس دي داسې موږ هم  دکفري نړۍ په مقابل کې سره يو لاس شو .

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close