په راتلونکو ۳۵ کلونو کې د امريکا ۴۰۰ ښارونه د نابودۍ له ګواښ سره مخ دي

کابل ټکی کام ۲۵میزان/۱۳۹۴

قدرت الله حسین

په امريکا کې په يوې تازه ترسره شوې څېړنه کې ويل شوي دي، چې په راتلونکو څو کلونو کې به د سمندر د اوبو د سطحې لوړېدو له امله د دې هېواد نږدې ۴۰۰ ښارونه د ډوبېدو له ګواښ سره مخ شي.

«نېشنل اکاډمي آف ساينس جنرل» په خپله خپره کړې تازه څېړنه کې څرګنده کړې ده، چې د امريکا يو شمېر هېوادونه په راتلونکې کې د نړۍ له نقشې ورکېدای شي.

څېړنې زياته کړې ده، چې که په نړۍ کې د کاربن ډای اکسايډ د مخ په ډېرېدو خپراوي مخه ونه نيول شي، په ۲۰۵۰ز کې به د لويديځې انترکتيکا کنګل شوې واورې ويلې شي او د امريکا نږدې ۴۰۰ ښارونه به ډوب کړي.

د امريکا کالفورنيا، نيو يارک، لوزيانا او فلوريدا هغه ايالتونه په ګوته شوي دي، چې په دغه وخت کې تر ټولو ستر ګواښ ورته جوړ دی.

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close