په شمار خبرې

عرفان الله عرفاني

داځل یې په شمار خبــــــرې وکړلې
ډېرې یې د کار خبـــــــرې وکړلې

زیــړ مازدیګری ؤ دی تلو کلـــي ته
زر، زر یې په لار خبـــــــرې وکړلې

ستړی وم دمه یې شـومه سیوري ته
ماســــره چنار خبــــرې وکــــړلې

زه د عشق په اور باندې ورګډ شومه
مُسک شو سور انګار خبــرې وکړلې

بیا مې د زړګي هیلې نا هیلې شوې
ماته چې روی بار خبــــــرې وکړلې

زه خو (عرفاني) ورته غوږ، غوږ ومه
یار مې په تکـــــــرار خبـرې وکړلې

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close