په ژمي کې د مالټې په خوړلو سره خپله روغتیا پیاوړې کړئ

 

(کابل ټکی کام ۱۳۹۶ مرغومی ۲۳ فرید افغان)

روغتیاپوهان توصیه کوي چې په ژمي کې باید له ویتامین لرونکو خوړو او میوو استفاده وکړو.
څیړنې ښیي چې ویټامین بي (Vitamin B) او ویټامین سي (Vitamin C) د ژمي په موسم کې انسان له مختلفو ناروغیو او میکروبونو څخه ژغوري.
روغتیایي کارپوهان وایي چې د ویتامین لرونکو میوو له ډلې مالټه هم ده چې د ژمي په موسم کې په پراخه کچه پیداکیږي او خلک یې هم خوښوي، همداراز د روغتیا له پلوه هم خورا اغیزمنه او مفیده میوه ده.

مالټې

مالټه د ویتامین c په درلودلو سره خورا زيات معدني مواد او یوه اندازه A – B ویتامینونه هم لري.
مالټه د کلسيم، فاسفورس، اوسپنې په درلودلو سره د هډوکو د ودې او د غاښونو د ټينګښت او د بدن د دفاعي قوت له پاره ګټوره میوه بلل کیږي.
همداراز په مالټه کې په زیاته کچه پروتين او قند وجود لري چې انسان ته پیاوړتیا او سکون وربښي.
دغه میوه د پوستکي د ښکلا او د سترګو د نظر په پیاوړي کولو کې هم رول لري.
تیرکال د برطانیې د «ريډينګ» پوهنتون روغتیا پوهانو د یوې څیړنې پر اساس ویلي و، چې په ورځنۍ توګه د مالټې په خوړلو سره د مغزو په وړتیا کې هم نا اشنا زیاتوالی راځي

روغتیاپالان وایي چې، په مالټه کې د «فلووینویډز›› په نوم کیمیاوي ماده په زیاته اندازه شتون لري چې د مغزو د پوهیدلو او معلوماتو د زیرمتون یوې مهمې برخې ’هیپو کمپس‘ پورې د سیګنال او پیغام رسولو پروسه پياوړي کوي.

مالټه

بل پلو د دې میوې پوستکي هم بې ګټې نه دي، روغتیایي پوهان وایی، چې د مالټو پوستکي د يو ډول ګازي توکو په لرلو سره مکروبي ضد خاصيت لري، چې د مکروب ضد مرهمو، د ښکلا، د مختلفو محلولونو د جوړولو او د طبي شربتونو د ښه بوي له پاره تيري کار اخيستل کيږي.

اړونده مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close